Samarqand shahrida terminal o‘rnatilgan yo‘lovchi avtobuslari paydo bo‘ldi. Bunday avtobuslarning suratlari Facebook’da e’lon qilindi, deb xabar beradi “Carzone.uz”.
Terminallar qachondan, qaysi yo‘nalishlarda qatnovchi avtobuslarga o‘rnatilgani, mazkur yangilik nechta avtobusni qamrab olgani haqida aniq ma’lumotlar yo‘q. Aksariyat Facebook foydalanuvchilari mazkur yangilikni xursandchilik bilan qarshi oldi, “bozorlarda ham terminallar joriy etilsa yaxshi bo‘lardi”, degan fikrlarni bildirdi.
Surat e’lon qilingan Facebook’dagi sahifalarning birida bu amaliyot asosan Samarqanddan tumanlarga qatnaydigan avtobuslarda joriy etilgani, shahar ichida harakatlanuvchi avtobuslarda nafaqat naqd pul, balki jetonlar yordamida ham hisob-kitob qilish mumkinligi yozilgan.
Ma’lumot uchun, 2016-yilning 1-mayidan boshlab Samarqand avtobuslarida yo‘l haqi vositalaridan biri sifatida plastik kartochkalarga xarid qilinadigan jetonlar joriy etildi.
Izoh (0)