Пойтахт Тошкент мезбонлик қилаётган Tashkent Open—2016 теннис турнирида финалга йўлланма олган спортчилар номи маълум бўлди.
Мукофот жамғармаси 250 минг АҚШ долларини ташкил қиладиган турнир бош соврини учун япониялик Нао Хибино чехиялик Кристина Плишковага қарши кортга тушади. Япониялик ракетка устаси бир йил аввал бўлиб ўтган мусобақада чемпионликни нишонлаганди.
Ярим финалда Нао Хибино бошқа бир чехиялик Дениса Аллертовани турнирдан чиқариб юборди. Финалнинг иккинчи иштирокчиси Кристина Плишкова эса украиналик Катерина Козловага чиқиш эшикларини кўрсатиб қўйди.
Изоҳ (0)