Ўзбекистонда 11 сентябрга ўтар кечаси ва 11 сентябрь куни кундузи кучли шамоллар кузатилиши мумкин. Бу ҳақда «Ўзгидромет» маркази хабар бермоқда.
Хабар беришларича, 11 сентябрь, якшанба куни кундузи Ўзбекистоннинг тоғли ҳудудларида ҳаво ҳарорати +16...+21 даража, Қорақалпоғистон Республикаси ва Хоразм вилоятида +23...+28 даража илиқ, Бухоро ва Навоий вилоятларида +25...+30 даражагача иссиқ бўлиши кутилмоқда.
Шу куни Тошкент шаҳрида ҳаво ҳарорати +30...+32 даража, Тошкент, Самарқанд, Жиззах, Сирдарё, Қашқадарё, Сурхондарё, Андижон, Наманган ва Фарғона вилоятларида эса +30...+35 даражагача иссиқ бўлиши мумкин.
Бутун мамлакат бўйлаб шамол тезлиги кучайиши кутилмоқда — Тошкент шаҳрида шамол тезлиги сониясига 17 метрга, қолган барча ҳудудларда 20 метргача етиши мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)