Ўзбекистон терма жамоаси сардори Одил Аҳмедов ҳаракат қиладиган Россиянинг «Краснодар» клуби Европа Лигасининг гуруҳ босқичига йўлланмани қўлга киритди.
Албаниянинг «Партизан» клуби билан плей-офф босқичида тўқнаш келган «Краснодар» ўз майдонида 4:0 ҳисобида зафар қучганди. Сафарда эса голсиз дуранг натижага имзо чекди. Одил Аҳмедов ўйиннинг 46-дақиқасида майдонга тушди ва учрашув охирига қадар ўйнади.
Европа Лигасининг гуруҳ босқичига «Астана» (Қозоғистон), «Шахтёр» (Украина), «Слован» (Чехия), «ПАОК» (Греция), «Олимпиакос» (Греция), «Усмонлиспор» (Туркия), «Аустрия» (Австрия), «Сент-Этьен» (Франция), «Рапид» (Австрия), «Генк» (Бельгия), «Аз-Алкмаар» (Голландия), «Габала» (Озарбайжон), «Гент» (Бельгия), «Андерлехт» (Бельгия), «Астра» (Руминия), «Спарта» (Чехия), «Фенербахче» (Туркия), «Сассуоло» (Италия), «Панатинаикос» (Греция), «Карабах» (Озарбайжон), «Маккаби Т-А» (Исроил) клублари ҳам йўл олди.
Улар қаторига Европа Чемпионлар Лигасининг сўнгги плей-офф босқичида муваффақиятсизликка учраган «Аякс» (Голландия), «Вильярреал» (Испания), «Рома» (Италия), «Стяуа» (Руминия), «Янг Бойз» (Швейцария), «Виктория» (Чехия), «Хапоэл Б-Ш» (Исроил), «APОЭЛ» (Кипр), «Дандолк» (Ирландия), «Залсбург» (Австрия) клублари қўшилади.
Изоҳ (0)