Италиянинг марказий қисмида содир бўлган зилзила қурбонлари сони 63 кишига етди. Бу ҳақда, ANSA агентлигига асосланиб, «ТАСС» хабар бермоқда.
Агентлик ўз манбаларига таянган ҳолда ушбу сонни келтирмоқда — бу борада ҳали расмий баёнот берилган эмас.
Илгари қурбонлар сони 38 кишини ташкил этгани хабар қилинган эди.
Зилзиладан тоғли ҳудудда жойлашган аҳоли пунктлари — Аматриче ва Аккумули жабр кўргани айтилмоқда. Ер ости силкинишлари пойтахт Римда ҳам сезилган.
Эслатиб ўтамиз, зилзила Италия марказида маҳаллий вақт билан 03:36 да (Тошкент вақти билан 06:36 да) содир бўлди. 6,0 магнитудали ер силкиниши эпицентри Риети провинциясида 4 км чуқурликда жойлашган эди.
Изоҳ (0)