Рио—2016 Олимпиадасида 70 нафар спортчи билан иштирок этаётган Ўзбекистон терма жамоаси ҳар тўрт йилликнинг энг йирик спорт фестивалидаги ўзининг энг яхши натижасини қайд этиб бўлди.
Бунга қадар Афина—2004 Олимпиадаси Ўзбекистон терма жамоаси учун энг яхшиси бўлиб турганди. Ўшанда делегация 2 та олтин, 1 та кумуш ва 2 та бронза медалига эга чиққанди.
Олимпиада—2016 да эса Ўзбекистон терма жамоаси 2 та олтин ва 4 та бронзани қўлга киритиб бўлди. Боксчи Шаҳрам Ғиёсов ўз вазн тоифасида финалга етиб боргани инобатга олинса, минимум кумуш медаль масаласи ҳал қилинганини тушуниш мумкин. Шунингдек, яна бир боксчи Бектемир Мелиқўзиев ўзи учун минимум бронза медалини нақд қилиб қўйди.
Олимпиада ўйинларида курашни давом эттираётган бир қатор ўзбекистонлик спортчилар бор экани инобатга олинса, бундан бу ёғига эришиладиган натижалар имкониятни янада ошириб бораверади.
Изоҳ (0)