Руминияда қиролича Аннанинг дафн маросими бўлиб ўтди

Руминияда собиқ қирол Михайнинг рафиқаси дафн қилинди, деб ёзади «ТАСС». Шу муносабат билан мамлакатда миллий мотам эълон қилинди, давлат байроқлари туширилди.

Дафн маросими Бухарестдаги Қироллик саройидаги православ ибодати билан бошланди. Сўнг тобут сарой қаршисидаги майдонга чиқарилди, у ерда католик расм-русумларига мувофиқ диний маросим ўтказилди.

Шундан кейин мотам кортежи мамлакат қироллари мақбараси жойлашган Куртя-де-Аржеш шаҳрига йўл олди, у ердаги черковда ёпиқ дафн маросими ўтказилди.

Мотам маросимида унинг тўнғич қизи, меросхўр малика Маргарета ва шаҳзода Раду, бош вазир Дачиан Чолош, Руминия православ черкови патриархи Даниел, хорижий сулолалар аъзолари, Руминия ва Молдова давлат муассасалари вакиллари, шунингдек, мингга яқин шаҳарликлар қатнашди.

Эслатиб ўтамиз, Руминия қироличаси, қирол Михайнинг рафиқаси, малика Анна Бурбон-Пармская 1 август куни Швейцарияда 92 ёшида вафот этди.