Туркия Эрондан газ харид қилиш ҳажмини оширишни режалаштирмоқда. Бу ҳақда Туркия ташқи ишлар вазири Мавлуд Чавушўғли эронлик ҳамкасби Жавод Зариф билан музокаралар якунларига кўра берган матбуот анжуманида маълум қилди, деб хабар беради «ТАСС».
«Биз газ харид қилиши масалаларини муҳокама қилдик. Эрондан кўпроқ газ импорт қилишни хоҳлаймиз ва шу муносабат билан нарх масаласини кўриб чиқдик», — маълум қилди у.
Шунингдек, Чавушўғли Эрон томонини баҳсли масалаларни халқаро арбитраж аралашувисиз ҳал қилишга чақирди.
Туркия Эрон билан 2011 йилги газ етказмалари учун 35,5 фоизлик чегирма масаласида келишувга эриша олмаганидан сўнг 2012 йилда халқаро арбитражга ариза киритган эди. Жорий йилнинг 2 февраль куни арбитраж Туркиянинг даъвосини қондирди.
Изоҳ (0)