Тошкентдаги Ўзбекистон алоқа тарихи музейида Олий Мажлис Қонунчилик палатаси Ахборот ва коммуникация технологиялари масалалари қўмитаси томонидан ўтказилган семинар-экскурсия мустақиллик йилларида соҳада амалга оширилган ишлар ва уларнинг самараларига бағишланди, деб хабар беради ЎзА.
Тадбирда парламент қуйи палатаси депутатлари, Ахборот технологиялари ва коммуникацияларини ривожлантириш вазирлиги тизимидаги ташкилотлар ходимлари, Ўзбекистон Журналистлари ижодий уюшмаси масъул ва мутахассислари, оммавий ахборот воситалари вакиллари иштирок этди.
Ўзбекистон Республикаси Олий Мажлиси Қонунчилик палатаси Ахборот ва коммуникация технологиялари масалалари қўмитаси раиси И. Абдуллаев ва бошқалар тадбирда чиқиш қилди.
Тадбирда мамлакатда соҳада эришилган натижалар халқаро жамоатчилик томонидан кенг эътироф этилаётгани таъкидланди.
Семинар-экскурсия доирасида иштирокчилар Ўзбекистон алоқа тарихи музейидаги экспонатлар билан танишди.
Изоҳ (0)