Daniyalik mobil ishlab chiquvchilar guruhi Angliyada Too Good to Go dasturini ishga tushirdi, u restoranlarda tashlab yuboriladigan taomlarni buyurtma qilish imkonini beradi, deb yozadi The Independent.

Dastur Britaniyaning qator shaharlarida ishlashni boshladi, avgust oxirida esa Londonda ham ishga tushiriladi. Foydalanuvchilar restoranlardagi tashlab yuborilmoqchi bo‘lgan tez buziladigan taomlarni buyurtma qilishi mumkin. Ularning narxi 3—5 dollar atrofida bo‘ladi.

Dasturga 100 dan ortiq London restoranlari kiritilgan, ammo ularning ko‘pchiligi kichik-kichik muassasalardir.

Loyiha saytida ta’kidlanishicha, u “taomga u axlat qutisiga tashlanganda yo‘qotadigan qadrni qaytarish yordamida yegulik, pul va sayyorani qutqarish”ga qaratilgan.