Халқаро паралимпия қўмитасининг президенти Филипп Крэйвен Россия паралимпия қўмитасининг аъзолик мақоми ҳақидаги қўмита қарорини эълон қилиш учун 7 август, якшанба куни Рио-де-Жанейрода матбуот йиғилиши ўтказади. Бу ҳақда «Интерфакс» хабар берди.
Аввалроқ Россия паралимпия қўмитаси аъзоликни тўхтатиш учун ҳеч қандай асос йўқлигини маълум қилган эди.
«Россиялик паралимпиячилар мусобақалар давомида ҳам, машғулотлар чоғида ҳам мунтазам қатъий аксилдопинг назоратидан ўтиб турган. Сочидаги Паралимпия ўйинлари олдидан россиялик спортчилар допинг назоратидан асосан чет элда ўтган», — дейилади хабарда.
22 июль куни Халқаро паралимпия қўмитаси Россия паралимпия қўмитасининг аъзолигини тўхтатиш эҳтимолини кўриб чиқаётганлигини маълум қилган эди.
Изоҳ (0)