Эрон ҳукумати хавфсизлик мақсадларида Pokemon GO ўйинини тақиқлаб қўйди, дея хабар бермоқда «Ведомости». Тақиқ тўғрисидаги қарорни Виртуал маконлар олий кенгаши (интернет устидан назоратни амалга оширувчи муассаса) қабул қилди.
Pokemon Go’ни турли мамлакатлар ҳукуматлари танқид қилди, аммо Эрон ўйинни ман қилган биринчи давлат бўлди.
Ҳозиргача Индонезия ҳукумати полиция ходимларига хизмат вазифаларини бажариш чоғида Pokemon GO ўйнашни тақиқлади. Францияда эса ўйинчи июль ойида покемон қидириб ҳарбий базага яширинча кирмоқчи бўлганида ҳибсга олинди.
АҚШ, Австралия, Япония ва Евроиттифоқда ўйин расман июль ойи бошида тақдим этилганди.
Аввалроқ Индонезия ҳукумати мамлакат мактабларида машҳур Pokemon Go ўйинини ўйнашга тақиқ қўйиши маълум қилинган эди.
Изоҳ (0)