Eron hukumati xavfsizlik maqsadlarida Pokemon GO o‘yinini taqiqlab qo‘ydi, deya xabar bermoqda “Vedomosti”. Taqiq to‘g‘risidagi qarorni Virtual makonlar oliy kengashi (internet ustidan nazoratni amalga oshiruvchi muassasa) qabul qildi.

Pokemon GO’ni turli mamlakatlar hukumatlari tanqid qildi, ammo Eron o‘yinni man qilgan birinchi davlat bo‘ldi.

Hozirgacha Indoneziya hukumati politsiya xodimlariga xizmat vazifalarini bajarish chog‘ida Pokemon GO o‘ynashni taqiqladi. Fransiyada esa o‘yinchi iyul oyida pokemon qidirib harbiy bazaga yashirincha kirmoqchi bo‘lganida hibsga olindi.

AQSh, Avstraliya, Yaponiya va Yevroittifoqda o‘yin rasman iyul oyi boshida taqdim etilgandi.

Avvalroq Indoneziya hukumati mamlakat maktablarida mashhur Pokemon Go o‘yinini o‘ynashga taqiq qo‘yishi ma’lum qilingan edi.