Рио-де-Жанейро Олимпиадасининг очилиш маросими 5 август куни бўлсада, қолган спорт мусобақаларидан узоқроқ давом этадиган футбол турнири 3 августдан эътиборан старт олади. Бу борада мусобақани аёл футболчилар бошлаб беради.
Тошкент вақти билан 21:00 да Швеция ҳамда ЖАР аёллар терма жамоалари Рио—2016 нинг илк расмий турнирини бошлаб беради. 23:55 дан бошлаб эса футбол мухлислари мезбон Бразилия аёлларининг Хитойга қарши беллашувини томоша қилиши мумкин бўлади.
Аёллар ўртасидаги футбол турнирида дунёнинг 12 та энг кучли термалари иштирок этмоқда. Улар 3 та гуруҳга бўлиб чиқилган. Дастлабки икки ўрин эгалари чорак финалга йўл олади. 3 та гуруҳ якунига кўра 3-ўринни қўлга киритган энг яхши икки терма жамоа ҳам чорак финалчилар қаторига қўшилади.
Рио—2016. Аёллар футболи
| «E» гуруҳи | «F» гуруҳи | «G» гуруҳи |
| Бразилия | Канада | Колумбия |
| Швеция | Германия | Франция |
| ЖАР | Зимбабве | АҚШ |
| Хитой | Австралия | Янги Зеландия |
Эркаклар футбол мусобақасида 16 та терма жамоа ғолиблик учун кураш олиб боради. Ҳар бир гуруҳда дастлабки икки ўринни қўлга киритган терма жамоалар чорак финал йўлланмасига эга чиқади.
Рио—2016. Эркаклар футболи
| «А» гуруҳи | «B» гуруҳи | «C» гуруҳи | «D» гуруҳи |
| Бразилия | Колумбия | Мексика | Аргентина |
| Дания | Швеция | Германия | Португалия |
| ЖАР | Нигерия | Фижи ороллари | Жазоир |
| Ироқ | Япония | Жанубий Корея | Гондурас |
Изоҳ (0)