«Ўзбекистон ҳаво йўллари» миллий авиакомпанияси ва Россиянинг S7 Airlines авиакомпанияси биргаликдаги рейсларни амалга оширишни кўзда тутувчи код-шеринг битимини тузди, деб ёзади «Газета.uz».
Россия авиаташувчисининг матбуот хизмати хабарига кўра, битим Новосибирск ва Тошкент ўртасидаги парвозларни кўпайтириш имконини беради. S7 Airlines икки шаҳар ўртасида ҳар ҳафтанинг якшанба куни ўз рейсларини амалга оширади. Энди жадвалда душанба ва пайшанба кунлари амалга ошириладиган яна иккита рейс пайдо бўлади.
Бундан ташқари, S7 Airlines йўловчилари «Ўзбекистон ҳаво йўллари» ҳаво кемаларида тўғридан-тўғри рейс билан Наманганга йўл олиш имкониятини қўлга киритади. Ўз навбатида, Ўзбекистон Миллий авиакомпанияси коди S7 Airlines’нинг Новосибирск—Тошкент ва Новосибирск—Фарғона рейсларида пайдо бўлади.
Изоҳ (0)