Президент қарори (pdf) билан «Ўзбекэнерго» акциядорлик жамияти тизимида Ўзбекистон Республикаси Фанлар академиясининг тугатилаётган Энергетика ва автоматика институти негизида масъулияти чекланган жамият шаклидаги Илмий-техника маркази ташкил этилади, деб ёзади Норма.
Қарор электр энергетика соҳасида илмий-техникавий ривожланиш даражасини тубдан ошириш ва замонавий юқори самарали технологияларни жорий этиш, электр энергетика корхоналарини модернизациялаш, техник ва технологик қайта жиҳозлашнинг стратегик дастурлари амалга оширилишини таъминлаш, шунингдек, бунга зарур бўлган замонавий илмий-тадқиқот ва лаборатория базаларини шакллантириш мақсадида қабул қилинди.
«Ўзбекэнерго» АЖ Илмий-техника маркази фаолиятининг асосий вазифалари этиб қуйидагилар белгиланди:
- электр энергетикани ривожлантиришнинг долзарб илмий-технологик вазифаларини ҳал этишга йўналтирилган ишланмалар ва амалий илмий-тадқиқотларни олиб бориш;
- электр энергетика соҳасида истиқболли маҳаллий ишланмаларни, шунингдек, илғор хорижий технологиялар ва ускуналарни апробация қилиш, синаб кўриш ва амалиётга татбиқ этиш;
- қайта тикланадиган энергия манбаларидан фойдаланишни жадал кенгайтириш ҳисобига ўрта ва узоқ муддатли истиқболга мўлжалланган модернизациялаш ва ривожлантириш дастурларининг лойиҳаларини тайёрлаш ва бошқалар.
Изоҳ (0)