Златан Ибраҳимович «Юнайтед»да 9-рақамда тўп суради, Генрих Мхитарянга 22-рақам насиб қилди

Англиянинг «Манчестер Юнайтед» клуби футболчилари келаётган мавсумда қандай рақамларда тўп суриши маълум бўлди. Бу ҳақда жамоа расмий сайтига таяниб «Championat.asia» хабар берди.

Златан Ибраҳимович 9-рақамли футболкада ҳаракат қилади. У Франциянинг «ПСЖ» клубида 10-рақамда тўп сурарди. «Юнайтед»да эса бу рақам Уэйн Рунига тегишли

Жозе Моуриньо хизматларига қизиқаётган франциялик футболчи Поль Погба «Ювентус» сафида 10-рақамда ҳаракат қилади. Унинг Манчестерга эҳтимолий қайтиши учун обрўлироқ рақамнинг ўзи қолмади. Поль Погба «Юнайтед» сафида 42-рақам остида тўп тепган. Айни вақтда бу рақам бўм-бўш.

Дортмунднинг «Боруссия» клубидан харид қилинган Генрих Мхитарян 22-рақам билан ҳаракат қилади. Жозе «Челси»дан кетказиб юборган Хуан Мата ўзининг 8-рақамида қолди. Трансфер бозори 31 августга қадар давом этиши инобатга олинса, бу таркибнинг якуний кўриниши бўлмаслиги мумкин.