Туркиянинг собиқ диний етакчиларидан бири, 1999 йилдан бери АҚШда яшаб келаётган мухолиф сиёсатчи Фатҳуллоҳ Гулен мамлакат президенти Ражаб Тоййиб Эрдўғоннинг айбловларини инкор қилди. Бу ҳақда «Интерфакс» хабар бермоқда.
Илгарироқ Эрдўғон уни тўнтаришнинг асосий ташкилотчиси сифатида кўришини билдирган эди.
Президентнинг собиқ сафдоши Туркиядаги ҳарбий тўнтаришга қатъиян қарши эканлигини билдирди.«Кўплаб ҳарбий тўнтаришларни бошдан кечирган мендай инсонга бу каби айбловларни эшитиш айниқса оғирдир. Мен бу айбловларни мутлақо инкор этаман», — деди Гулен.
Изоҳ (0)