Turkiyaning sobiq diniy yetakchilaridan biri, 1999-yildan beri AQShda yashab kelayotgan muxolif siyosatchi Fathulloh Gulen mamlakat prezidenti Rajab Toyyib Erdo‘g‘onning ayblovlarini inkor qildi. Bu haqda “Interfaks” xabar bermoqda.
Ilgariroq Erdo‘g‘on uni to‘ntarishning asosiy tashkilotchisi sifatida ko‘rishini bildirgan edi.
Prezidentning sobiq safdoshi Turkiyadagi harbiy to‘ntarishga qat’iyan qarshi ekanligini bildirdi.“Ko‘plab harbiy to‘ntarishlarni boshdan kechirgan menday insonga bu kabi ayblovlarni eshitish ayniqsa og‘irdir. Men bu ayblovlarni mutlaqo inkor etaman”, — dedi Gulen.
Izoh (0)