Франциянинг NowhereElse ресурси Samsung Galaxy Note 7 флагманининг «жонли» фотосуратларини эълон қилди. Суратларни Twitter’даги @OnLeaks аккаунти соҳиби, таниқли инсайдер Стив Хеммерстоффер тақдим этди, деб хабар беради «Hi-Tech.Mail.ru».
Янги смартфон четлари Samsung Galaxy S7 edge’даги каби қайрилган бўлади. Дисплей устида жойлашган датчиклар ёруғлик сенсори ва кўз рангдор пардаси сканери эканлиги айтилмоқда.
Гаджет пресс-фотода тақдим этилган смартфондан бироз фарқланади, фронтал панели ҳам илгари тақдим этилган ускунаникидан фарқланади. Аммо, умуман олганда, унинг дизайни Samsung Galaxy Note 5 ва S7 ни такрорлайди.
Мавзуга оид:
- Samsung навбатдаги фаблетини Galaxy Note 6 эмас, Galaxy Note 7 деб номлаши мумкин
- Samsung Galaxy Note 7 нинг илк «жонли» фотоси эълон қилинди
- Samsung Galaxy Note 7 нинг илк расмий фотосуратлари эълон қилинди
Техник тавсифи
Ускунанинг Super AMOLED-экрани ўлчами — 2К. Смартфон икки версияда чиқарилади: 2,3 ГГц частотали Snapdragon 821 процессорига эга ҳамда 2,6–2,7 ГГц частотали Exynos 8 Octa 8893 процессорига эга версиялар.Оператив хотира ҳажми 6 Гб бўлиб, у 10 нанометрли LPDDR4 модулида жойлашади. Доимий хотиранинг минимал ҳажми — 64 Гб, шунингдек, 128 ва 256 Гб ли ҳамда microSD карталарига учун слотларга эга версиялар чиқарилади.
Асосий камера ўлчами — 12 Мп, фронтал камера — 5 Мп, аккумулятор сиғими — 3600 мА/соат. Ускуна Android 6.0 дастурий таъминотининг янгиланган New Grace UX кўринишида ишлайди. Шунингдек, сувдан ҳимоя қилинган корпусдаги смартфон USB Type-C портига, S-Pen «ақлли» қаламига эга бўлиши, Samsung Pay’ни қўллаб-қувватлаши мумкин.