Америкалик поп-хонанда Тейлор Свифтнинг ўтган йилги даромади 170 миллион долларни ташкил этди ва мазкур кўрсаткич бўйича у бошқа машҳурлар орасида биринчи ўринни эгаллади. Энг юқори ҳақ тўланувчи шоу-бизнес вакилларининг янги рўйхати 11 июль, душанба куни Forbes журнали томонидан чоп этилди, дея хабар бермоқда «ТАСС».
Свифт даромадининг 250 миллион доллари унинг «1989» дунё бўйлаб улкан турнесига тўғри келади. Шунингдек, Diet Coke, Keds ва Apple брендлари рекламалари ҳам унинг йирик даромад манбалари ҳисобланади.
Рўйхатнинг иккинчи ўрнидан 110 миллион доллар даромади билан Британиянинг One Direction поп-жамоаси жой олди. Шунингдек, рўйхат ўнлигида америкалик комедия актёри Кевин Харт (87,5 миллион доллар, 6-ўрин), америкалик радио ва телебошловчи Говард Стерн (85 миллион доллар, 7-ўрин) ва британиялик қўшиқчи Аделни (80,5 миллион доллар, 9-ўрин) кўриш мумкин.
Поп-юлдуз Мадонна 76,5 миллион доллар даромад қилди ва 12-ўринни эгаллади. Қўшиқчи Рианна ва Кэти Перри инглиз режиссёри Гай Ричнинг собиқ хотинидан ортда қолиб, 13-ўрин (75 миллион доллар) ва 63-ўриндан (41 миллион доллар) жой олди.
Изоҳ (0)