Amerikalik pop-xonanda Teylor Sviftning o‘tgan yilgi daromadi 170 million dollarni tashkil etdi va mazkur ko‘rsatkich bo‘yicha u boshqa mashhurlar orasida birinchi o‘rinni egalladi. Eng yuqori haq to‘lanuvchi shou-biznes vakillarining yangi ro‘yxati 11-iyul, dushanba kuni Forbes jurnali tomonidan chop etildi, deya xabar bermoqda “TASS”.
Svift daromadining 250 million dollari uning “1989” dunyo bo‘ylab ulkan turnesiga to‘g‘ri keladi. Shuningdek, Diet Coke, Keds va Apple brendlari reklamalari ham uning yirik daromad manbalari hisoblanadi.
Ro‘yxatning ikkinchi o‘rnidan 110 million dollar daromadi bilan Britaniyaning One Direction pop-jamoasi joy oldi. Shuningdek, ro‘yxat o‘nligida amerikalik komediya aktyori Kevin Xart (87,5 million dollar, 6-o‘rin), amerikalik radio va teleboshlovchi Govard Stern (85 million dollar, 7-o‘rin) va britaniyalik qo‘shiqchi Adelni (80,5 million dollar, 9-o‘rin) ko‘rish mumkin.
Pop-yulduz Madonna 76,5 million dollar daromad qildi va 12-o‘rinni egalladi. Qo‘shiqchi Rianna va Keti Perri ingliz rejissori Gay Richning sobiq xotinidan ortda qolib, 13-o‘rin (75 million dollar) va 63-o‘rindan (41 million dollar) joy oldi.
Izoh (0)