Европа Иттифоқи Истанбулдаги теракт муносабати билан Туркияга ҳамдардлик билдирди. Бу ҳақда Европа Иттифоқининг ташқи ишлар ва хавфсизлик сиёсати бўйича олий вакили Федерика Могеринининг баёнотига таяниб, «Корреспондент.net» хабар бермоқда.
«Бу Туркиядаги яна бир фожиали теракт. Европа Иттифоқи Туркия халқини қўллаб-қувватлайди. Бутун қалбимиз улар билан бирга», — деди Могерини.
Эслатиб ўтамиз, 28 июнь, сешанба куни Туркиянинг Истанбул шаҳридаги Отатурк номли халқаро аэропортда худкуш террорчилар амалга оширган портлашлар оқибатида охирги расмий маълумотларга кўра 36 киши ҳалок бўлган, 140 дан ортиқ одам жабрланган.
Туркия бош вазири теракт ортида ИШИД террорчилик гуруҳи турганлигини тахмин қилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)