«Касперский лабораторияси» тадқиқот ўтказиб, интернет фойдаланувчиларининг чет элдаги хатти-ҳаракатларини ўрганди ва улар бундай сафарлари чоғида қандай онлайн-хатарларга учраши мумкинлигини аниқлади, деб ёзади «Infocom.uz». Бутун дунё бўйича жами 11 850 киши орасида сўров ўтказилди.
Аниқланишича, саёҳатчиларнинг 44 фоизи учиб келиши билан интернетга киради. Уларнинг 69 фоизи яқинларига соғ-омон етиб келганини билдиришга ошиқса, 39 фоизи саёҳат учун зарур маълумотни олмоқчи бўлади, 34 фоизи ижтимоий тармоқларга киради, 38 фоизи эса хизмат юзасидан интернатдан фойдаланишга мажбур бўлади, сўралганларнинг яна 34 фоизи шунчаки одат бўйича интернетни «зиёрат қилади».
Бепул Wi-Fi орқали интернетга уланиш доим ҳам хавфсиз бўлавермайди, яхши ҳимояланмаган канал бўйича узатиладиган шахсий маълумотларни ёвуз ниятлилар қўлга киритиши мумкин. «Касперский лабораторияси» статистикасига кўра, Таиланд (43%) ва Францияда (40%) жамоатчилик тармоқларига уланишда хавф айниқса катта.
Саёҳатчиларнинг эҳтиётсизлиги қайғули оқибатларга олиб келиши мумкин. Масалан, фойдаланувчиларнинг 18 фоизи хорижда туриб кибержиноятчилар қурбонига айланган. Уйидан узоқда оддий жиноятлар қурбонларига айланганлар эса 6 фоизни ташкил этди.
Изоҳ (0)