Америка Кубоги–2016 турнирининг иккинчи ярим финалида Чили терма жамоаси Колумбияга қарши баҳс олиб борди. Унда 2:0 ҳисобида чилилик футболчилар ғалаба қозонди.
Беллашувнинг 7-дақиқасида Чарлес Арангис ҳисобни очган бўлса, 4 дақиқада ўтар-ўтмас Хосе Фуэнсалида ҳисобни оширди. Жамоалар танаффусга Чилининг 2:0 ҳисобидаги устунлиги билан чиқиб кетди.
Иккинчи бўлим бошланишидан аввал Чикагода кучли ёмғир ёққани туфайли ўйин тўхтатилди. Икки соатда сўнг иккинчи бўлимга старт берилди. Бироқ мухлислар бошқа гол кўрмади ва Чили ишончли тарзда финалга йўл олди.
Ўтган йилги Америка Кубоги сингари бу сафар ҳам финал баҳсида Чили терма жамоаси Аргентина футболчиларига қарши баҳс юритади. Финал баҳси Тошкент вақти билан 27 июнь тонгида бўлиб ўтади.Америка Кубоги–2016. Ярим финал беллашуви23 июнь, пайшанба
Изоҳ (0)