Amerika Kubogi–2016 turnirining ikkinchi yarim finalida Chili terma jamoasi Kolumbiyaga qarshi bahs olib bordi. Unda 2:0 hisobida chililik futbolchilar g‘alaba qozondi.
Bellashuvning 7-daqiqasida Charles Arangis hisobni ochgan bo‘lsa, 4 daqiqada o‘tar-o‘tmas Xose Fuensalida hisobni oshirdi. Jamoalar tanaffusga Chilining 2:0 hisobidagi ustunligi bilan chiqib ketdi.
Ikkinchi bo‘lim boshlanishidan avval Chikagoda kuchli yomg‘ir yoqqani tufayli o‘yin to‘xtatildi. Ikki soatda so‘ng ikkinchi bo‘limga start berildi. Biroq muxlislar boshqa gol ko‘rmadi va Chili ishonchli tarzda finalga yo‘l oldi.
O‘tgan yilgi Amerika Kubogi singari bu safar ham final bahsida Chili terma jamoasi Argentina futbolchilariga qarshi bahs yuritadi. Final bahsi Toshkent vaqti bilan 27-iyun tongida bo‘lib o‘tadi.Amerika Kubogi–2016. Yarim final bellashuvi23-iyun, payshanba