Америкалик собиқ конгрессмен коррупцияда айбдор деб топилди

АҚШ Конгресси вакиллар палатасининг собиқ аъзоси Чака Фатта шахсий бойиш мақсадида коррупцияга қўл урганликда айбдор деб топилди. Бу ҳақда Пенсильвания штати шарқий округи прокуратураси вакиллари маълум қилди, дея хабар беради «ТАСС». 

Фатта ва унинг ёрдамчилари порахўрлик, фирибгарлик, почта ўғрилигида айбланмоқда. Собиқ конгрессмен ёлғон кўрсатмалар бериш ва маблағдан ноқонуний фойдаланишда ҳам гумон қилинган.

АҚШ прокурори ёрдамчиси Лесли Колдуэллга кўра, Фатта хайрия ва федерал фондлар маблағларини ўзлаштирган. Тергов сиёсатчи бир неча йилллар давомида мазкур жиноятларни амалга ошириб келганини тахмин қилмоқда. 

Собиқ конгрессмен ҳукм чиқарилишини кутмоқда, унга 20 йилгача бўлган қамоқ жазоси берилиши мумкин.