Дунёнинг энг «бахтсиз» иқтисодиётлари рейтингида Венесуэла етакчилик қилди

Bloomberg агентлиги томонидан тузилган Бахтсизлик Индекси (Misery Index) деб аталувчи рейтингда кетма-кет иккинчи йил Венесуэла етакчилик қилди.

Индекс ишсизлик ва инфляция суммасидан иборат. 2015 йилда Венесуэлада ушбу кўрсаткичлар тегишли равишда 6,8 фоиз ва 98,3 фоизни ташкил этди. 2016 йилда эса улар 152 фоиз ва 7,7 фоизга етиши мумкин.

Иккинчи ўринни Аргентина, учинчи ўринни Жанубий Африка Республикаси, тўртинчи ўринни эса Греция эгаллади. «Энг бахтсиз» иқтисодиётлар бешталигига Украина якун ясади.

Рўйхатнинг тескари томонига экспертлар АҚШ, Малайзия, Руминия, Буюк Британия, Гонконг, Дания, Хитой, Жанубий Корея, Тайвань, Японияни жойлаштирди. Етакчи учликка Швейцария, Сингапур ва Таиланд киритилди, у ерда Bloomberg таҳлилчилари ҳисоб-китоларига кўра, ночорлик индекси энг паст кўрсаткичга эга.