Канада парламенти эвтаназия ҳақида қонун қабул қилди, деб ёзади «ТАСС». 17 июнь, жума куни уни мамлакат сенати (миллий парламентнинг юқори палатаси) тасдиқлади.
Аввалроқ қонун лойиҳасини қуйи палата маъқуллаган эди. Энди қонун кучга кириши учун уни Канада генерал-губернатори Дэвид Жонстон имзолаши керак, у Буюк Британия қироличаси Елизавета Иккинчи — Канада конституциявий раҳбарининг расмий вакили ҳисобланади.
Қонун лойиҳасининг қабул қилиниши осон бўлмади. Узоқ давом этган музокаралардан сўнг парламентнинг ҳар иккала палатаси ҳам жиддий касалликка чалинган, аммо ҳали ўлим тўшагида бўлмаган канадаликлар учун эвтаназияга рухсат берадиган тузатишларни рад этди.
Янги қонун фақат Канада фуқаролари учун амал қилади. Ҳужжатга кўра, докторлар ёрдамида ўз ихтиёри билан ҳаётдан кетишга бедаво дардга чалинган 18 ёшдан катта бўлган руҳий соғлом кишилар ҳақли. Қонунда, шунингдек, эвтаназияни ўтказган шифокорлар жиноий таъқиб қилинмаслиги белгиланган.
Изоҳ (0)