Ўзбекистоннинг барча ҳудудларида Евро—2016 ни «UzReport» орқали томоша қилиш имконияти яратилди

Франция мезбонлик қилаётган Евро—2016 беллашувларини эндиликда бутун Ўзбекистонда томоша қилиш мумкин. Бу ҳақда «UzReport» сайти хабар берди.

• Ўзбекистоннинг баъзи рақамли ва кабел ТВ компаниялари Евро—2016 учрашувлари вақтида «Матч ТВ» ўрнига UzReport-TV’ни намойиш этмоқда

Шу тариқа Евро—2016 ўйинларини «Мулоқот ТВ» (Қўқон), «Рухсор ТВ», «Марғилон ТВ» (Марғилон), «Жиззах ТВ» (Жиззах), СТВ (Самарқанд), «Истиқлол ТВ» (Бухоро), «Насаф ТВ» (Қарши), «Ишонч ТВ» (Термиз), «Элликқалъа ТВ» (Қорақалпоғистон) каби ҳудудий телеканалларда кузатиб бориш имкони бор.

Энди вилоятлардаги мухлислар учун Евро—2016 баҳсларини нафақат сунъий йўлдош орқали ёки IPTV хизматидан фойдаланган ҳолда, балки маҳаллий телеканаллар орқали ҳам томоша қилиш имкониятини тақдим этилган.

Ўзаро келишувга кўра ҳудудий телеканаллар ҳар куни соат 23:45 да бошланадиган ўйинларни тўғридан-тўғри ретрансляция қилади. Соат 20:45 да бошланадиган учрашувлар эса тунги соат 01:45 да ёзиб олинган ҳолда намойиш қилинади.

• UzReport TV Евро–2016 ўйинларининг шарҳларини бир вақтнинг ўзида ўзбек ва рус тилида намойиш этади