Евро—2016 «E» гуруҳидаги биринчи беллашувда Швеция ва Ирландия терма жамоалари 1:1 ҳисобидаги дурангга имзо чекди.
Учрашувнинг 48-дақиқасига келиб Уэсли Хулехан Ирландия терма жамоасини ҳисобда олдинга олиб чиққанди. Бироқ улар ғалабани ушла қола олмади.
71-дақиқага келиб Ирландия терма жамоаси ҳимоячиси Жефф Хендрик ўз дарвозасини ишғол қилиб, шведларга қарашиб юборди. Бу вазиятда Златан Ибраҳимович тўпни жарима майдончаси ичига етказиб берганди.
Златан Ибраҳимович Ирландия терма жамоаси дарвозасини ишғол қилиб, Евро мусобақаларининг кетма-кет тўрттасида муваффақият қозонган ягона футболчига айланиб олиши мумкин эди. Бироқ бу масала кейинги турга қадар очиқ қоладиган бўлди.
«E» гуруҳида 2-тур беллашувлари 17—18 июнь кунлари бўлиб ўтади. Шу куни Швеция Италияга қарши кураш олиб боради. Эртасига эса Бельгия ва Ирландия терма жамоаларо ўзаро майдонга тушади.
Изоҳ (0)