Японияда McDonald’s ресторанлар тармоғи кампания бошлади, унинг ғолиблари соврин сифатида тилла наггетс ва тилла қовурилган картошкани қўлга киритади, деб ёзади TJournal.
Акция 28 июнь куни якунланади, у наггетслар учун икки хил янги қайлани реклама қилишга қаратилган.
Kaito Nuggets исмли янги персонаж бутун мамлакат бўйлаб саёҳат қилади ва жамоат жойларида кутилмаганда пайдо бўлади. Унинг қаердалиги ҳақидаги калит сўзлар Twitter’да эълон қилинади, акцияда иштирок этиш учун персонаж суратини тегишли тег билан жойлаш кифоя.
Тилла наггетс 50 грамм тош босади, унинг нархи эса тахминан 1500 долларга тенг, бироқ унинг ноёблигини ҳисобга олган ҳолда, нархи анча оширилиши мумкин.
Шу билан бирга, Япониядаги McDonald’s фототанлов ўтказмоқда, унда мукофот сифатида 50 граммлик картошка фри тақдим этилади. Унда қатнашиш учун суратга картошка ўрами тасвирини жойлайдиган махсус дастурни юклаб олиб, мос келадиган фон танлаш кифоя.
Изоҳ (0)