Берни Сандерснинг сайловолди штаби Ҳиллари Клинтон Демократик партиядан АҚШ президентлигига номзод бўлиб илгари сурилиши учун муддатидан олдин етарли овоз тўплагани ҳақидаги ОАВ хабарларига норозилик билдирди. Журналистлар ўзларининг ҳисоб-китобларига таяниб, собиқ Давлат котиби 2383 овоз йиғишга улгурганини билдирганди. Бу ҳақда «Интерфакс» хабар бермоқда.
«Клинтон ягона номзод сифатида илгари сурилишини таъминлаш учун делегатларнинг етарли овозини тўпламади. Унинг тақдирини 25 июлдан кейин овоз берадиган суперделегатлар ҳал қилади. Улар эса ҳозир ҳам, кейинроқ ҳам фикрларини ўзгартириши мумкин. Бизнинг вазифа — суперделегатларни Берни бугунги кунда Дональд Трампга қарши энг кучли номзод эканлигига ишонтиришдан иборат», — дея маълум қилган Сандерснинг матбуот котиби Майкл Бриггс.
Ҳиллари Клинтоннинг ўзи ҳам тарафдорларини бир йўла беш штатда дастлабки сайловлар бўлиб ўтадиган «суперсешанба» олдидан бўшашмасликка чақирган.
Изоҳ (0)