6-iyun, dushanba kuni Time jurnalining muqovasida shu haftada vafot etgan afsonaviy bokschi Muhammad Ali fotosi joylashtirilgan maxsus soni chop etiladi. Bu haqda “TASS” xabar bermoqda.
“Muhammad Alining muqovada paydo bo‘ladigan rasmi XX asrning sermahsul suratkashlaridan biri Filipp Xalsman tomonidan 1963-yili olingan. Unda obyektiv kamerasi qarshisida boks tushayotgan Ali tasvirlangan. Uning ostiga qora rangda ‘Eng buyuk. Muhammad Ali. 1942—2016’ yozuvi tushirilgan”, — ma’lum qildi tahririyat.
Time muqovasida paydo bo‘lish sharafiga eng mashhur va nufuzli siyosatchilar, jamoat arboblari, sportchilar va shou-biznes vakillari sazovor bo‘ladi. Ali hayoti davomida to‘rt bor bunga erishgandi. Uning birinchi fotosi jurnalda 1963-yil martida, bokschi Kassius Kley ismi-sharifi bilan tanilgan vaqtda chiqqandi.
Izoh (0)