АҚШда давом этаётган футбол бўйича Америка Кубоги—2016 да «А» ва «B» гуруҳи иштирокчилари 1-турни якунлади.
«А» гуруҳининг иккинчи беллашувида Коста-Рика ва Парагвай терма жамоалари 0:0 ҳисобидаги дуранг натижага имзо чекди. Қайд этиш керак, гуруҳдаги биринчи беллашувда мезбон АҚШ термаси Колумбияга 0:2 ҳисобида имкониятни бой берганди.
«А» гуруҳи 1-тур беллашувлари
АҚШ — Колумбия 0:2
Голлар: Кристиан Сапата, 8 (0:1). Хамес Родригес, 42-пен (0:2).Коста-Рика — Парагвай 0:0
Гуруҳдаги 2-тур ўйинлари 8 июнь куни бўлиб ўтади. Унда АҚШ Коста-Рикага қарши саф тортса Колумбия ва Парагвай терма жамоалари ўзаро ҳисоб-китоб қилади.«B» гуруҳини Бразилия терма жамоаси дуранг билан бошлади. Эквадорга қарши кураш олиб борган Дунга жамоаси рақиби дарвозасига йўл топа олмади ва ўз дарвозаси даҳлсизлигини ҳам сақлаб қолди — 0:0. Иккинчи учрашувда эса перулик футболчилар Хосе Герреронинг ягона голи эвазига Гаитини таслим қилди — 1:0.
«B» гуруҳи 1-тур беллашувлари
Гаити — Перу 0:1
Гол: Хосе Герреро, 61 (0:1).Бразилия — Эквадор 0:0
Гуруҳдаги иккинчи тур беллашувлари 9 июнь куни бўлиб ўтади. Унинг доирасида Бразилия Гаитини имтихондан ўтказса, Перу ҳамда Эквадор терма жамоалари ўзаро рақобатга киради.6 июнь тонггида «C» гуруҳи иштирокчилари Америка Кубогидаги иштирокини бошлайди. Ямайка Венесуэла билан ўйнаса, Мексика ҳамда Уругвай терма жамоалари ўзаро дуч келади.
«D» гуруҳи иштирокчилари 7 июнь тонггида майдонга чиқиб келади. Бу зонада Панама — Боливия ҳамда Аргентина — Чили ўйинлари бўлиб ўтади.
Изоҳ (0)