КХДР Жанубий Корея раҳбариятини Пхеньяннинг ярим оролда кескинликни пасайтириш учун музокаралар бошлаш таклифига ижобий жавоб беришга чақирди. Бу ҳақда «ТАСС» хабар бермоқда.
Илгарироқ Шимолий Корея жанубий қўшнисининг ҳарбий вакиллари билан ярим оролдаги кескинликни пасайтириш мақсадида музокаралар олиб боришга тайёргарлик юзасидан ишчи учрашув ўтказишни таклиф қилган, аммо расмий Сеул бунга рад жавобини берган эди.
КХДРнинг Кореяни тинчлик йўли билан бирлаштириш бўйича қўмитаси тарқатган баёнотда ҳукумат, сиёсий партиялар ва жамоат ташкилотлари май ойида Жанубий Кореяга икки томонлама муносабатларни яхшилаш бўйича «ватанпарварлик чақируви» билан мурожаат қилганини эслатиб ўтди. Аммо «Сеул бу чақириқни самимийликдан мосуво бир ташвиқот деб баҳолаб, Пхеньяндан мулоқот аввалида ядровий қуролдан воз кечиш йўлида қадам ташлашни талаб қилди».
«КХДР Жанубий Кореяга, у ватанни бирлаштириш муаммоларини кўриб чиқишга рози бўлган тақдирда, ҳамкор сифатида қарашга тайёр», — дейилади баёнотда. Акс ҳолда, «Сеул кескинликни орттириш борасида қадам ташлашда давом эца», Пхеньян энг қатъий чораларни кўриши таъкидлаб ўтилди.
Изоҳ (0)