Бугун,

  • USD 11095.31
  • RUB 173.84
  • EUR 10772.44

Ўзбекистон 1-лигасида иштирок этувчи Тошкентнинг «Оқ-тепа» футбол клуби мусобақа билан хайрлашди. Бу ҳақда 31 май куни жамоа матбуот хизмати «Championat.asia» орқали маълум қилганди, 1 июнь куни эса ПФЛ расмий сайти уни тасдиқлади.

Фото: «Оқ-тепа» ФК матбуот хизмати

Фото: «Оқ-тепа» ФК матбуот хизмати

«Жамоамиз мазкур масала юзасидан ЎФФга расмий хат орқали мурожаат билан чиқди. Хатда чемпионатдаги иштирок тўхтатилишининг асл сабаблари батафсил кўрсатиб ўтилган. Гарчи «Оқ-тепа» 1-лигадаги иштирокини якунлаган бўлса-да, клуб сифатида фаолиятини тўхтатгани йўқ», — деб ёзилганди клуб матбуот хизмати хабарида.

ПФЛ расмий сайти эса буни молиявий муаммолар сабабли деб ёзди. Ўзбекистон Профессионал Футбол Лигаси Ижроқўми қарорига кўра, «Оқ-тепа» клуби молиявий муаммолар, шунингдек, мусобақада иштирок этиш учун тўланиши лозим бўлган бадал пулларини белгиланган муддатда тўлай олмагани, тиббий кўрик ҳамда жарима санкциялари учун тўланиши лозим бўлган қарзларни тўлай олмагани туфайли Ўзбекистон Биринчилиги—2016 иштирокчилари рўйхатидан чиқарилди.

ПФЛ регламентига кўра, «Оқ-тепа» мавсум давомида ўйналиши керак бўлган ўйинларнинг ярмини ҳам ўйнамагани учун, унинг барча натижалари бекор қилинган. Учрашувлардаги огоҳлантириш ва четлатишлар эса ўз кучида қолдирилган.

Маълумот учун, 2015 йилги мавсум якунларига кўра Ўзбекистон биринчилигида 2-ўринни қўлга киритган «Оқ-тепа», Олий Лигага ўтиш ўйинида иштирок этган ва Жиззахнинг «Сўғдиёна» клубига имкониятни бой берганди. 2016 йилги мавсумда эса 1-лига доирасида 11 та учрашув ўтказди ҳамда 18 клуб орасида 16-ўринни эгаллаб турганди.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?