Вашингтон штатида АҚШ президентлиги лавозими учун республикачилар ўртасида бўлиб ўтган дастлабки сайловларда республикачи Дональд Трамп овозларнинг 75 фоизини тўпламоқда. Бу ҳақда 24 май, сешанба куни CNN телеканали маълум қилди, деб хабар беради «РИА Новости».
Ҳозирги пайтга қадар овозларнинг ярмига яқини ҳисоблаб чиқилган. Трамп ҳозирча 75 фоиз тарафдорларини тўплади. Пойгада қатнашишни расман тўхтатган, бироқ бюллетенларда номлари қайд этилган унинг рақиблари Тед Круз ва Жон Кейсик учун тегишли равишда 10,2 ва 10 фоиз овоз берилган.
Дональд Трамп праймериз давомида Республикачилар партиясидан ягона номзодга айланди, чунки унинг барча партиядош рақиблари делегатлар овози учун курашишда қатнашишдан бош тортди.
Изоҳ (0)