Португалия тарихда биринчи марта қайта тикланадиган энергия манбалари — қуёш панеллари, шамол тегирмонлари ва гидроэлектр станциялар ёрдамида тўрт кун давомида ўз энергетик эҳтиёжларини тўлиқ қондирди. Бу ҳақда, The Guardian нашрига таяниб, «Газета.ru» хабар бермоқда.
Умумий ҳисобда мамлакат 107 соат давомида муқобил энергия манбаларидан таъминланди: 7 май соат 6:45 дан 11 май 17-:45 гача.
«Биз шунга ўхшаш трендни бутун Европада кўрмоқдамиз — ўтган йили буни Дания эплаганди, энди — Португалия уддасидан чиқди. Иберия ярим ороли — қайта тикланувчи энергия манбалари учун ажойиб макон, нафақат минтақа, балки бутун Европа учун», — деб янгиликка изоҳ берди Шамол энергетикаси савдо уюшмаси спикери.
Ўтган йили шамол энергетикаси мамлакатни 22 фоизга электр қуввати билан таъминлаган, барча муқобил энергия манбаларида эса бу кўрсаткич 48 фоизга тенг бўлган эди.
«Бу Португалия учун мислсиз натижа, бугун фавқулодда бўлиб туюлаётган нарса эртага бутун Европа учун оддий ҳолга айланади», — деди SolarPower Europe компанияси бош директори Оливер Жой.
Изоҳ (0)