Шу йилнинг 2 июнь куни футбол бўйича Ўзбекистон миллий терма жамоаси Тошкентда Қирғизистон терма жамоаси билан ўртоқлик учрашув ўтказиши ҳақида хабар қилинганди. «Championat.asia» нашрининг хабар беришича, мазкур учрашув бўлиб ўтмайди.
«Ўйин 2 июнь куни Тошкентдаги ‘Бунёдкор’ стадионида бўлиб ўтиши керак эди. Бироқ учрашув бекор қилинди. ЎФФ терма жамоалар маркази бу кун учун тезкорлик билан спарринг рақиб қидиришни бошлаб юборди», – дейилади нашр хабарида.
Қирғизистон футбол федерациясининг Facebook’даги расмий саҳифасига таяниб, «Championat.asia»нинг хабар беришича, учрашув Ўзбекистон томони ташаббуси билан бекор қилинган.
Эслатиб ўтамиз, 13 май куни Ўзбекистон футбол федерацияси матбуот хизмати 2 июнь куни Тошкентдаги «Бунёдкор» стадионида Ўзбекистон миллий термаси Қирғизистонга қарши майдонга тушишини хабар қилганди. Ушбу учрашувдан кейин Самвел Бабаян шогирдлари Австриядаги йиғинга жўнаб кетиши ва у ерда 7 июнь куни Канада термасига қарши майдонга тушиши маълум қилинганди.
Изоҳ (0)