Бугун, 20 май тонгида Колумбиянинг Медельин шаҳрида футзал бўйича 2016 йилги Жаҳон чемпионатига қуръа ташлаш маросими бўлиб ўтди. Бу ҳақда ФИФА расмий сайти хабар бермоқда.
Қуръа натижасига кўра, Ўзбекистон терма жамоаси «А» гуруҳидан жой олди. Гуруҳ босқичида ўзбекистонлик футзалчилар мезбон ҳисобланган Колумбия термаси ҳамда Португалия ва Панама терма жамоаларига қарши кураш олиб боради.
Қуйида барча терма жамоаларнинг қуръа натижаси билан танишиб чиқишингиз мумкин.«A» гуруҳи: Колумбия, Португалия, Ўзбекистон, Панама
«B» гуруҳи: Таиланд, Россия, Куба, Миср
«C» гуруҳи: Парагвай, Италия, Вьетнам, Гватемала
«D» гуруҳи: Украина, Бразилия, Мозамбик, Австралия
«E» гуруҳи: Аргентина, Қозоғистон, Соломон ороллари, Коста-Рика
«F» гуруҳи: Эрон, Испания, Марокаш, Озарбайжон
Ўзбекистон футзал уюшмасининг маълум қилишича, жамоалар 6 гуруҳда ғолиблик учун кураш олиб боради. Ҳар бир гуруҳдан биринчи ва иккинчи ўрин эгалари, шунингдек, энг яхши натижа қайд этган 4 та учинчи ўрин соҳиблари нимчорак финалга йўл олади.
Маълумот ўрнида, футзал бўйича Жаҳон чемпионати 10 сентябрдан 1 октябрга қадар бўлиб ўтади.
Изоҳ (0)