Bugun, 20-may tongida Kolumbiyaning Medelyin shahrida futzal bo‘yicha 2016-yilgi Jahon chempionatiga qur’a tashlash marosimi bo‘lib o‘tdi. Bu haqda FIFA rasmiy sayti xabar bermoqda.
Qur’a natijasiga ko‘ra, O‘zbekiston terma jamoasi “A” guruhidan joy oldi. Guruh bosqichida o‘zbekistonlik futzalchilar mezbon hisoblangan Kolumbiya termasi hamda Portugaliya va Panama terma jamoalariga qarshi kurash olib boradi.
Quyida barcha terma jamoalarning qur’a natijasi bilan tanishib chiqishingiz mumkin.“A” guruhi: Kolumbiya, Portugaliya, O‘zbekiston, Panama
“B” guruhi: Tailand, Rossiya, Kuba, Misr
“C” guruhi: Paragvay, Italiya, Vyetnam, Gvatemala
“D” guruhi: Ukraina, Braziliya, Mozambik, Avstraliya
“E” guruhi: Argentina, Qozog‘iston, Solomon orollari, Kosta-Rika
“F” guruhi: Eron, Ispaniya, Marokash, Ozarbayjon
O‘zbekiston futzal uyushmasining ma’lum qilishicha, jamoalar 6 guruhda g‘oliblik uchun kurash olib boradi. Har bir guruhdan birinchi va ikkinchi o‘rin egalari, shuningdek, eng yaxshi natija qayd etgan 4 ta uchinchi o‘rin sohiblari nimchorak finalga yo‘l oladi.
Ma’lumot o‘rnida, futzal bo‘yicha Jahon chempionati 10-sentabrdan 1-oktabrga qadar bo‘lib o‘tadi.
Izoh (0)