Австралиядаги 185 минг аҳоли истиқомат қиладиган Жилонг шаҳри (Виктория штати) бош масжидида 18 май, чоршанбага ўтар кечаси кучли ёнғин рўй берди. Бу ҳақда «ТАСС» хабар бермоқда.
Аланга бинога жиддий шикаст етказган, том қулаб тушган. Ҳодиса натижасида ҳеч ким жабрланмаган. Ёнғинга қарши бригадалар ҳодиса жойига олов бинони қамраб олгандан сўнг етиб келган.
Масжид яқинида жойлашган уйларда истиқомат қилувчилар аланга кўтарилишидан олдин портлаш овозларини эшитганларини маълум қилган.
«Хизматимиз ёнғин келиб чиқиши ҳолатларини шубҳали деб ҳисобламоқда. Виктория штати полициси билан биргаликда текширув олиб бормоқдамиз», — дея таъкидлаган маҳаллий ёнғинга қарши хизмат раҳбари Марк Синкинсон.
Изоҳ (0)