Avstraliyadagi 185 ming aholi istiqomat qiladigan Jilong shahri (Viktoriya shtati) bosh masjidida 18-may, chorshanbaga o‘tar kechasi kuchli yong‘in ro‘y berdi. Bu haqda “TASS” xabar bermoqda.
Alanga binoga jiddiy shikast yetkazgan, tom qulab tushgan. Hodisa natijasida hech kim jabrlanmagan. Yong‘inga qarshi brigadalar hodisa joyiga olov binoni qamrab olgandan so‘ng yetib kelgan.
Masjid yaqinida joylashgan uylarda istiqomat qiluvchilar alanga ko‘tarilishidan oldin portlash ovozlarini eshitganlarini ma’lum qilgan.
“Xizmatimiz yong‘in kelib chiqishi holatlarini shubhali deb hisoblamoqda. Viktoriya shtati politsisi bilan birgalikda tekshiruv olib bormoqdamiz”, — deya ta’kidlagan mahalliy yong‘inga qarshi xizmat rahbari Mark Sinkinson.
Izoh (0)