Ўзбекистоннинг барча ҳудудларида 17 май, сешанба куни ёғингарчилик, момақалдироқ ва кучли шамол кузатилади. Бу ҳақда «Ўзгидромет» маркази хабар бермоқда.
17 майга ўтар кечаси Ўзбекистоннинг тоғли ҳудудларида ҳаво ҳарорати +5...+10 даража, Тошкент шаҳрида +15...+17 даража, қолган ҳудудларда эса +18...+20 даражагача илиқ бўлади.
Сешанба куни кундузи тоғли ҳудудларда +10...+15 даража, Фарғона водийси вилоятлари ва Тошкент шаҳрида +27 даражагача, Қорақалпоғистон Республикаси, Хоразм, Тошкент, Самарқанд, Жиззах, Сирдарё вилоятларида +28 даражагача илиқ бўлади.
Бухоро ва Навоий вилоятларида ҳаво ҳарорати +32 даражагача, Қашқадарё ва Сурхондарё вилоятларида эса +33 даражагача илиқ бўлиши кутилмоқда.
17 май куни бутун Ўзбекистон бўйлаб ёғингарчилик кутилади, момақалдироқ бўлиши мумкин. Тошкент шаҳрида шамол тезлиги сониясига 15—17 метргача, қолган барча жойда, хусусан, тоғли ҳудудларда ҳам сониясига 15—20 метргача кучаяди.
Изоҳ (0)