Ўзбекистон Вазирлар Маҳкамаси 6 майдаги қарори (pdf) билан Қорақалпоғистоннинг Мўйноқ туманида балиқчилик тармоғини янада ривожлантириш чора-тадбирларини тасдиқлади, дея хабар бермоқда «Газета.uz».
Ҳужжатда Мўйноқ тумани ҳокимлиги ҳузурида устав капитали 200 миллион сўмга тенг «Мўйноқ аква саноат» давлат унитар корхонасини ташкил этиш ҳамда шу туманда жойлашган «Жалтирбас», «Судочье» ва «Рибачье» табиий сув ҳавзаларини ушбу ДУКга доимий алоҳида фойдаланиш учун бериш кўзда тутилган.
«Ипотека-банк» кредитлари ҳисобига жорий йилда «Мўйноқ аква саноат» сув ҳавзалари ҳудудида балиқ питомниклари ва инкубация цехлари ташкил этилади.
Шунингдек, «Мўйноқ аква саноат» ДУКга сув ҳавзаларида қафас усулида балиқ етиштириш технологияларини яратиш ва жорий этиш, сув ҳавзалари ҳудудида ҳаваскорлик ва спорт мақсадидаги балиқ овини, туризмни ривожлантириш, балиқ овлаш ҳажмини кўпайтириш, рақобатбардош балиқ маҳсулотлари ва ярим тайёр маҳсулотларни ишлаб чиқариш бўйича технологик жараёнларни босқичма-босқич шакллантириш вазифалари юклатилди.
Изоҳ (0)