Ўзбекистон Марказий банки 2016 йил 17 майдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини белгилади.
Унга кўра, 1 АҚШ доллари 2914 сўм 10 тийин этиб белгиланди. Бу 11 майдаги курсга нисбатан 4 сўм 85 тийинга кўп.
17 майдан эътиборан 1 евро қиймати 3344 сўм 95 тийин (11 майдаги курсга нисбатан 3 сўм 19 тийин қиммат), 1 Хитой юани 446 сўм 54 тийин (11 майдаги курсга нисбатан 11 тийин қиммат), 1 Россия рубли эса 44 сўм 88 тийин (11 майдаги курсга нисбатан 93 тийин қиммат) этиб белгиланган.
Эслатиб ўтамиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.
Изоҳ (0)