Фаррош бўлиб ишлайдиган читалик 50 ёшли Елена Анисина машҳур «Алёнка» шоколади ўрамига унинг болаликдаги сурати туширилганини маълум қилди, деб ёзади TJournal.
«Уч ёшлигимда онам билан кўчада кетаётганимизда плаш кийиб, бўйнига фотоаппарат осган мухбирлар йўлимизни тўсди ва мени бир неча марта суратга туширди, мен ўшанда рўмоллар ўраб, ёқимтойгина бўлиб тургандим. Улар ойимга суратим ‘Красний Октябрь’ шоколади ўрамига туширилишини айтди», — деди аёл.
Товон пули сифатида аёл «Красний Октябр»дан 200 миллион рубл ёки 3 миллион доллар олмоқчи, у экспертизадан ўтишга тайёрлигини билдирди. Шу билан бирга, у онаси бу воқеани эслай олмаслигини, аммо ўзи ўз хотираларининг ростлигига ишончи комиллигини эътироф этди.
Изоҳ (0)