Саудия Арабистони ҳукумати Ар-Риёд, гўёки, эронлик зиёратчиларга Маккага ҳаж сафарини уюштиришга тўсқинлик қилаётгани ҳақидаги ахборотни рад этди. Бу ҳақда Саудия ҳаж вазирлиги баёнотига таяниб, Ливаннинг Тhe Daily Star нашри хабар берди, деб ёзади «Интерфакс».
Унда айтилишича, Саудия Арабистони «дунёнинг ҳар қандай бурчагидан келган, ҳар қандай миллатга ва диний йўналишларга тегишли бўлган зиёратчиларни қабул қилишга тайёр ва ҳеч бир мусулмоннинг йўлини тўсмайди».
Бироқ вазирликдагилар зиёратчиларнинг сафарлари «ҳаж ўтказиш соҳасидаги тизим ва кўрсатмалар доирасида» ўтиши кераклигини таъкидлади.
Аввалроқ Теҳрон ва Ар-Риёднинг эронлик зиёратчи шиаларга визалар тақдим этиш ҳақидаги музокаралари муваффақиятсиз кечгач, Эрон маданият вазири Али Жаннатий эронлик зиёратчилар бу йил Саудия Арабистонига ҳаж сафари уюштира олмаслиги мумкинлигини маълум қилган эди.
Изоҳ (0)