Актёр Жавоҳир Зокиров қариндош опаси Наргиз Зокирова билан тез-тез суҳбатлашиб туришини маълум қилди. Бу ҳақда у «Ҳордиқ» газетасига берган интервьюсида айтиб ўтди.
«Наргиз Зокирова билан охирги йилларда кам кўришган бўлсак-да, телефонда кўп суҳбат қурамиз. Опам билан биз қарама-қарши дунёқараш эгаларимиз», — деди актёр.
«Унинг санъатга бўлган фикрлари тамоман ўзгача, меникидан фарқ қилади. Лекин охирги чиққан фильмларим ҳақида ундан илиқ фикрлар эшитдим», — дея қўшимча қилди Жавоҳир Зокиров.
Наргиз Зокирова — 1938 йилда туғилган Луиза Зокированинг қизи, Жавоҳир Зокиров 1949 йилда туғилган Жамшид Зокировнинг ўғли. Луиза ва Жамшид Зокировлар Ўзбекистон халқ артисти Карим Зокировнинг фарзандларидир.
Маълумот учун, Жавоҳир Зокиров сўнгги вақтларда «Ўзбеккино» миллий агентлиги буюртмасига асосан суратга олинган «Сотқин» ва «Барон» фильмларида суратга тушган эди.
Изоҳ (0)